نعم اكيد أبو تريكة ارهابي وبالادلة !

أبو تريكة
9

نعم اكيد أبو تريكة ارهابي وبالادلة وحنوريكم ازاي هو ارهابي

  1. اول حركة ارهاب من ابو تريكة يسجل ضربة جزاء مع مصر امام كوت ديفوار ٢٠٠٦ ومصر تكسب ويرهب ٨٠ مليون بفرحة هيستيرية
  2.   يرجع بحركة ارهاب رهيبة ايضا فى ٢٠٠٦وقلب تونس والاهلى باقى له دقيقة ويخسر وبشماله صاروخ رعب يفوز الاهلى ويرهب ٥٠ مليون اهلاوى بفرحة طاغية
  3. مش عايز يبطل ويروح اليابان ايضا ٢٠٠٦ فى بطولة العالم للأندية ياخد هداف البطولة والاهلى يبقى تالت العالم ومصر كلها تخرج تستقبل البطل مع الابطال فى فرحة رهيبة
  4. مافيش فايدة فيه فى ٢٠٠٨ ومصر بتلعب نهائىً امم افريقيا فى غانا يهرب ويرهب ويسجل هدف فوز مصر بالبطولة قدام الكاميرون ويرهب ٨٥ مليون مصرى بفرحة طاغية
  5. وبنفس القوة الرهيبة المرهبة وفى ٢٠١٣ وفى نهائي دورى ابطال افريقيا يجيب جون تاريخى فى اورلاندو على إرضه ويتعادل الاهلى ويرجع فى القاهرة ويحرز هدف والاهلى على وشك الخسارة ويسعد الملايين مرة اخرى ويودع الكرة وملايين المحبين بعد ان اصبح تاجر السعادة والفرح للمصريين جميعا فى لعبة اسمها كرة القدم

ارهاب ده ولا مش ارهاب يامتعلمين يابتوع المدارس ؟!

يعنى مافيش كلام بصراحة كل السعادة دى لملايين المصريين والعرب يستاهل يعيش بعيد عن مصر ! واخيرا محمد أبو تريكة مش ارهابي ابوتريكة هو نجم مصر ونجم الوطن العربي كلو  !

 

المزيد من الاخبار المزيد من الموضوعات للكاتب

1 تعليق

  1. مصطفي قال

    عااااااااااااااااااااااااااااااااااااااااااااااااااااااااااااااااااااش

رد علي التعليق

لن يتم نشر ايميلك